Pwede bang manligaw?

Pwede bang manligaw?

Pwede ba kitang ligawan?

Tanong na sa tingin ko ay matagal tagal ko nang hindi nagagamit, isang tanong na minsan ko pa lang nagamit, at isang tanong na sa tingin ko ay matagal tagal ko na ulit magagamit. Hindi ko nga rin sigurado kung ito'y magagamit ko ulit.

Baka naman naisip niyo na wala na akong balak mag asawa kaya hindi ko na magagamit ulit ang tanong na iyon. Hindi. Hindi ko lang alam kung dapat ko pa bang itanong ito kapag gusto ko ang isang babae.

Mga babae, ano sa tingin niyo? Dapat bang itanong ng isang lalake kung pwede ba silang manligaw o hindi?

Pero paano pag nagtanong ang lalake at ayaw niyo naman pala? Alam niyo ba ang mangyayari? Nasa lalake din naman yun diba? Kahit ayaw nung babae na magpaligaw, merong mga lalake na nandiyan parin, nangungulit. Meron pa nga nagsasabi...

"Hihintayin nalang kita."

Ang epic diba? One boy, waiting for a girl to be ready.

Well, sa drama lang yan.

Kahit may kilala ako na isang lalake na naghintay talaga ng 14 years para maging ready ang babae, tingin ko parin ay walang kwenta ang paghihintay ng isang lalake sa isang babae. By experience.

Ulit, mga babae, dapat bang tanungin ng mga lalake kung pwede silang manligaw?

Isipin niyo ulit, pwede din nating irephrase ang tanong. Pwede natin gawing... "Pwede ba kitang mahalin?"

Kasi sa tingin ko ganun yun eh, kapag tinanong ka ng isang lalake, dapat mahal ka niya. At tapos, hindi ka pumayag, para na ring sinabi mo na hindi ka niya pwedeng mahalin. Isipin niyo, tama naman ako diba?

Nagtanong tanong din ako sa mga babae kong kaibigan, at ang sabi nila... Dapat daw tanungin muna sila kung pwedeng manligaw. Dahil daw paano sasagutin ng isang babae ang isang lalake kung hindi nila alam na nanliligaw na pala. Takot sila mag assume.

Well, may point sila. Pero minsan, kaya ayaw magtanong ng lalake kung pwede siya manligaw dahil may takot din siya. Takot na hindi pumayag ang babae at takot na mag iba ang turingan nila sa isa't isa.

Parehas na may takot. Pero kapag ang takot ng kahit isa ay mawala, alam ko, may love story nanaman na maisusulat.

Kaya ako, takot din ako. So ano plano ko? Ganun parin, hindi ako magtatanong kung pwede ako manligaw. Hahayaan ko nalang ang babae na malaman ito.

Kung medyo malas malas ako at hindi ito mahalata, saka ko palang sasabihin.

Pero hindi ako magtatanong.

Magsasabi ako...

"Ligawan kita ah!"

Wala na siyang magagawa... Hindi ito patanong, kaya hindi siya makakasagot. Ito ay pagbibigay alam lang.

Sana appropriate...

Sana may mag tanong nalang...

"Pwede mo ba akong ligawan?"

Robot Unicorn Attack.

Simple concept, simple graphics, simple effects, but with addicting background music and addicting gameplay. Only the Robot Unicorn Attack can do that. No clue about that game? Oh no, ang loser mo. But it's alright, here is a link to the game.

Ito ang laro na matutuwa ka kahit dalawa lang ang kailangang pindutin. Ito rin ang laro na kahit letter 'Z' at 'X' lang ang nasa keyboard mo ay malalaro mo. Kaya kung balak mong mag adik sa laro na ito, tanggalin mo ang iba pang keys sa keyboard mo para walang istorbo.

Sa pag lalaro ko ito, natutunan ko na may dalawang paraan para laruin ito.

• Una, gamit ang middle finger para sa 'X' at ring finger para sa 'Z'. Ito ang talagang gamit ko. Hindi ko alam kung bakit pero mas komportable ako maglaro sa ganito.

• Pangalawa, gamit ang index finger para sa 'X' at middle finger para sa 'Z'. Sinubukan ko lang ito out of curiosity kung pwede. Okay naman, pero mas komportable parin talaga ako sa una.

Ikaw? Paano ka maglaro ng robot unicorn attack?

Nasabi ko kanina na isang factor kaya nakaka adik ang laro ng ito dahil sa kanyang BGM. Ang music sa larong ito ay may title na Always na kinanta ng Erasure.

Ang weirdo ng music video diba.

May nakita nga akong comment sa YouTube about sa kantang ito at sa Robot Unicorn Attack.

"gayest song and gayest game... but is fucking addicting. Gee, I hope the gayest thing in my life will be this game... as far as I know I still love pussy." - rogerpenna

So ano? Laro na at magpakaadik.

Nation Driver: Our entry for Imagine Cup 2010.

Nag simula ito last year. Tinatanong ako nila Kenneth at Excel kung may magandang contest ba na pwede naming salihan. Tamang tama, kakasimula lang ng Imagine Cup 2010 noon. Then after we agreed what contest in the Imagine Cup we will participate, we registered.

Sumali kami sa Game Design kung saan ay kailangan namin makagawa ng isang laro ayon sa kanilang tema.

"Imagine a world where technology helps solve the toughest problems."

Nahirapan kami mag isip ng isang maganda konsepto, kasi gagawa nga kami ng isang laro at kailangan pa ito na masolusyonan ang mga problema ng mundo. Para kasing mahirap dahil paano masosolusyonan ng isang laro ang mga problema ng mundo?

Pero ang kahirapan na yun ang nagbigay sa amin ng challenge. At hindi nag tagal, ay nakaisip din kami ng magandang konsepto para sa larong gagawin namin.

Sa aming laro, ikaw ay presidente ng isang bansa. At tulad ng sino mang presidente, kailangan mo itong paunlarin. Our game has 4 departments, namely: Department of Health, Department of Education, Department of Environment and Department of Food and Resources. May mga katumbas na minigame ang bawat isang department. Meron din itong mga projects na kailangan tapusin sa pamamagitan ng pagachieve ng required score sa pag lalaro ng minigames.

Tulad ng isang bansa, ang aming laro ay may tax at import/export din. Dito sa dalawang ito nanggagaling ang iyong pera. Pero hindi lang puro pera ang binibigay nito, pwede rin itong mag dulot ng problema. Sabi nga nila, "Ang kahit ano mang sobra, ay masama." Kaya dapat, ito ay pinagplaplanuhan ng mabuti.

To win in our game, you must combine your intelligence with your skills and formulate a good strategy. Because you do not know, what is right now maybe wrong later.

Here is a video of me playing our game.

Have fun using your mind to play...

Nation Driver.

Note: Demo version palang ang nasa video at ang aming nagawa. Because only the demo game is required for the Imagine Cup 2010 Round 1.

Nakakatawa ba?

Nakakatawa nga ba talaga? O para may masabi lang? Minsan, hindi natin talaga malaman kung ano talaga ang expression ng ating kinakausap sa chat. Ito ay dahil ang kaharap natin ay monitor at nasa malayo ang ating kausap.

Pero sa tagal ko ng nakikipag usap sa chat, napansin ko ang ilan sa mga ginagamit ko para malaman ng aking kausap na natatawa ako sa kanyang sinasabi. Ang mga ito ay:

• :)) - nakangiti / napangiti.

• :)))))) - nakangiti na labas na ang ngipin.

• =)) - may nakakatawang nasabi.

• =)))))) - tumatawa na talaga.

• Haha. - isang expression lamang. Wala naman talagang nakakatawa. Ginagamit din ito bilang isang filler para lang may masabi. Minsan naman ay ginagawa itong parang tuldok na meron lagi sa tuwing magtatapos ang isang pangungusap.

• Hahahaha! - may nasabing bagay na nakakatawa.

• HAHAHAHAHAHA! - talagang tumatawa na siya. Kaya naka all caps yan ay para mas malaman ng makakabasa na natatawa siya talaga.

• LOL - isang expression. Minsan, ang taong gumagamit nito ay nanunuya / sarcastic.

• LOLOLOLOLOL - pwedeng nangangahulugang nakakatawa. Pero katulad din ito ng LOL! mas sarcastic nga lang.

Sa tingin ko, ang mga nasulat ko sa taas ay hindi lang applicable sa akin, kundi applicable din ito sa marami sa atin.

Kung may alam pa kayo o nais idagdag, mag comment lang!

Salitang Kalye. Alam mo ba?

Warning: Ang blog ito ay naglalaman ng mga hindi kanais nais na salita. Kung talagang interesado ka, ituloy mo lang. Kung hindi, basahin mo nalang ang iba kong blogs dito.

Una muna, ano nga ba ang salitang kalye. Pwede rin itong tawaging "salitang kanto"; para sa akin, ito ay mga salita na nabuo na lang basta sa kalye na hindi malaman kung paano o sa mga usapan ng mga tambay sa kanto.

Sa katagalan, ang mga salita na ginagamit lamang ng mga tambay ay nagagamit na rin ng ibang tao at nagiging parte na ng kanilang pang araw araw na salita.

Ilan sa mga halimbawa ng mga salitang kalye ay:

• Asa - salita galing sa umasa, na kaparehas din ang kahulugan.

Ito ay may iba't ibang baryasyon tulad ng asaness at asaboi.

• Astig - galing ito sa salitang tigas, o tigasin. Pero parang hindi na ganun ang kahulugan ng salitang ito sa kasalukuyang panahon. Ngayon, ang astig ay ginagamit kapag ang isang bagay na natunghayan ay magaling, maporma, kakaiba o kamangha magha.

• Bano - salita para sa tao na hindi magaling sa larangan na kanilang pinag uusapan. Sa aking pagkakaalam, halos parehas lang sila ng salitang "noob".

• Buraot - kuripot

• Dekwat / Dekwatin - nakawin, o kaya naman kuhanin nalang ng walang paalam.

• Dorobo - magnanakaw (edit: Japanese din ito na ganun ang kahulugan)

• Epal - galing sa salitang mapapel na binaliktad baliktad. Dahil sa kalumaan, ang salitang ito ay nagagamit narin sa pangkaraniwang pag-uusap sa pagitan ng mga tao.

• Footspa / Pootspa - hindi ko alam kung narinig niyo na ito bilang salitang kalye. Pero madalas namin 'tong ginagamit kapag naglalaro kami ng DotA nung highschool. Footspa, ang salitang ginagamit namin para pamalit sa "puta".

• Jabar - pwede itong pantawag sa isang taong pawisin na parang pasmado ang buong katawan sa dami ng pawis. Dahil ito ay salita na ibig sabihin ay pawis na bumabakat sa damit.

• Kupal - pwede itong pantawag sa taong ayaw mo o kinaiinisan mo, pwede rin itong gamiting pang asar. Habang nag tatagal, ang salitang kupal ay nagagamit na rin bilang isang expresyon. Pero lingid sa kaalaman ng marami, ang tunay na kahulugan ng salitang ito ay dumi na makikita sa loob ng t*** ng lalake na hindi pa natutuli.

• Mandurugas / Maduga - mandaraya o madaya.

• Pota - ewan ko kung bakit nagkaganun at napalitan ng 'o' ang 'u', pero ito ay parehas din sa salitang "puta".

• Syota - short time girlfriend. Take note, pang short time lang.

• Timang - hindi ako sigurado sa kahulugan nito. Pero sa aking pagkakaalam, ito ay bobo o kaya naman ay baliw.

• Timawa - sugapa, sakim o buwaya.

• Ungas - sira, hibang, parehas din ata ito ng timang.

EDIT:

• Imba - ginagamit ito para sa isang bagay / tao na magaling sa isang larangan. Ito ay pinaikling salita ng "imbalance". Hindi lang sa Pilipinas ang salitang imba dahil nakikita ito sa mga online game forums. At sa tingin ko, dun din sa mga forums na iyon nagsimula ang salitang ito.

Ilan lang ito sa mga salita na aking napakinggan, nalaman o nagamit sa aking buhay. Baka kayo ay may alam pa?

Magmungkahi, mag sabi ng inyong nalalaman, hinanakit o naiisip sa pamamagitan ng pagcomment sa blog na ito.