Magkaribal. Ano nga ba ang nangyari?

Natapos noong Friday ang isa sa mga palabas sa ABS-CBN, ang Magkaribal. At kahit patapos na ito, ay nag iwan pa ng isa sa mga pinakamalaking misteryo sa larangan ng Philippine television. Nagtapos ito ng may mala-Inception na ending. Ano nga ba ang nangyari? Namatay nga ba si Gelai?

Hindi ko ito masyadong nasubaybayan, pero alam ko ang storya. Napanood ko ang simula nito at alam ko kung paano nagkahiwalay ang magkapatid. Si Gelai na ginaganapan ni Bea Alonzo at napunta sa mahirap na pamilya habang si Victoria o si Gretchen Barretto sa totoong buhay ay napunta naman kay Papang.

Mababasa ang buong kwento sa Wikipedia link na ito.

Hindi ko rin masyadong natutukan ang pag tatapos nito, pero napanood ko ang part kung saan pinatawad na nila si Vera at nagiiyakan na, classic Filipino shows. Umakyat si Vera sa stage at naglakad sila papuntang backstage. Bumagsak ang chandelier sa taas nila at di na nalaman kung ano ang nangyari pa.

Bago matapos, pinakita muna ang mga nangyari sa cast. Natapos ito sa dalawang bata na nangangarap tulad sa simula ng palabas. Sinundo sila ni Victoria at pinakita ang isang billboard kung saan nandun ang malaking picture ni Gelai.

Pinakita ang lahat ng cast maliban kay Gelai. Kaya ano nga ba ang nangyari sa kanya? Namatay ba siya?

Para sa akin, ang sagot jan ay hindi. Hindi siya namatay. Simple lang, paano siya magkakaroon ng billboard kung patay na siya? Hindi naman nila siguro gagawing endorser ang patay na.

Pero hindi rin ako sigurado jan. Baka nga. Abangan nalang natin sa book 2, kung meron man.

Basta ngayon, ang sagot sa totoong nangyari kay Gelai ay mananatili paring misteryo.

MagLaBa Interpreter

Meron kaming isang subject last term na kailangan gumawa ng programming language at ng isang interpreter para dito. At ang interpreter na iyon ang aming final project para sa COMPILE, ang subject na tinutukoy ko.

Step by step ang paggawa namin ng interpreter. Pinaggawa muna kami ng CFG o Context Free Grammar para ipaapprove. Ang grammar na ginawa namin ay nasa Filipino. Ang mga halimbawa nito ay:

simula = main

numero = int

lutang = float

sinulid = string

tauhan = char

para = for

Medyo hinaluan namin ng kalokohan ang aming grammar. Tulad nalang ng float, ginawa naming literal ang pag translate nito sa Filipino kaya naging lutang.

Dahil nga ito ay isang project lang tulad ng Pinoy Henyo namin, hindi ito kumpleto sa features. Wala itong switch statements at hindi siya nakakagawa ng isang executable file o isang class file. Tumatakbo lang ang sinulat mong code gamit ang aming interpreter, ang MagLaBa interpreter.

Pero kahit na ganun, naexempt kami sa final exam at nakakuha ng 4.0 dahil sa subject na ito.

Dalawa ang natutunan ko sa subject na ito...

• Mahirap gumawa ng IDE.
• At mahirap gumawa ng programming language.

May tanong ako.

Alam niyo ba ang paradox? Ayon sa Wikipedia.org...

"A paradox is a true statement or group of statements that leads to a contradiction or a situation which defies intuition."

Isa sa mga nakaka mindfuck na paradox na nabasa at nasabi ko sa mga kaibigan ko ay eto:

"Kapag ba sinabi ni Pinocchio na nag sisinungaling siya, ay hahaba ang ilong niya?"

Alam nating lahat na humahaba ang ilong ni Pinocchio kapag siya ay nagsisinungaling. Pero paano nalang kung sinabi niya na nagsisinungaling siya? Kung nag sisinungaling nga siya, dapat ay hahaba ang ilong niya. Pero kung hahaba ang ilong niya, ibig sabihin totoo nga na nagsisinungaling siya. At dahil nag sasabi siya ng totoo, di dapat hahaba nag ilong niya. AY EWAN. Ang hirap isipin. Ang hirap alamin. Di natin alam ang sagot.

Tapos may isa pa siyang paradox...

"Ano ang mangyayari kapag sinabi ni Pinocchio na hahaba ang ilong niya?"

Teka, ano nga ba? Kapag totoo ang sinasabi niya, hindi siya nag sisinungaling at hindi hahaba ang ilong niya. Pero ang sinabi niya ay hahaba ang ilong niya at kung nag sisinugaling nga siya, hahaba ang ilong niya.

NAKAKALITO ANO? ANG HIRAP ISIPIN. Ano nga ba talaga?