Nang kumain kami sa KFC

Ang bilis natapos ng make up class namin sa INTRNLP (Introduction to Natural Language Processing). Ayaw pa naming umuwi kaya nagpalibre nalang kami ni Excel kay Shiela. At ayos, pumayag siya.

Bumili muna kami ng mangga at dumiretso na sa KFC. Syempre, kumain kami dun. At habang kumakain kami ay napunta ang aming usapan sa panliligaw.

Napagusapan namin ang tungkol sa blog ko na about sa panliligaw. Nagbigay ng sari saring komento si Shiela at si Excel tungkol sa implied na panliligaw at yung alam na panliligaw. Dun lang umikot ang aming usapan, para bang naging kwentong love life ang naging topic.

Pero hindi nag tagal, tinanong nila ako...

"Jolo, bakit di ka pa kasi manligaw?"

Ako naman, whaaaat? Sino liligawan ko? Hahahaha!

"Ede yung gusto mo."

Ahhhh, ligawan ko daw yung gusto ko. Pero kahit gusto ko man manligaw na. Hindi ko alam kung kaya ko. Hindi ko alam kung kaya ko ibudget ang time dahil sa studies. Oo, masyado akong abala ngayon sa pag aaral. At siguro, lalo na sa mga susunod na terms. Dahil nga nakapasok ako sa ladderized MSCS at thesis na din namin.

Sabi ko sa kanila hindi pa ako ready. Sabi naman nila, "Sige ka, baka maunahan ka ng iba."

Hahaha. Yun nga din ang takot ko. Kaya sabi ko nalang...

"Ipagdadasal ko nalang na walang mauna."

Sana nga.

Pero naisip ko, kung may nauna nga. Baka talagang ganun, hindi ako ang para sa kanya. At hindi siya para sa akin.

Minsan sa buhay, kailangan lang talaga mag hintay. Kaya ngayon... aral muna. Hahahaha!